Ekstraordinært kommunalt næringsfond - Bremanger kommune

Ekstraordinært tilskot til kommunalt næringsfond 2020 i samband med Covid-19

Kommunal- og moderniseringsdepartementet (KMD) har i samanheng med koronatiltaka i krisepakke – fase 3 for 2020 oppretta ein ny tilskotspost øyremerkt til kommunale næringsfond. Dette er ei eingongsløyving på 75,3 mill. kroner til kommunar i Vestland fylke som er hardt råka av høg arbeidsløyse som følgje av virusutbrotet. Løyvinga til Vestland fylkeskommune er 75,3 mill. kroner, og Hovudutval for næring vedtok i sak 46/2020 den 16.07.20 fordeling av midlane. 
Bremanger kommune vert tildelt på kr 1 606 036.-

KMD har utarbeidd «Midlertidig forskrift om tilskudd til kommunale næringsfond som følge av covid-19-utbruddet» Hovudpunkta i forskrifta er styrande i vurderinga av søknader.
Målgruppa er bedrifter, etablerarar og næringsaktørar. Næringsaktør blir definert som ein aktør som legg til rette for og/eller gir støtte til næringsutvikling. 

I vurderinga av søknadene skal det leggjast særleg vekt på:
• tiltak som fremjar auka aktivitet, sysselsetting og verdiskaping basert på lokale utfordringar, behov og potensial.
• tiltak som motverkar negative verknader av Covid-19-utbrotet 
• tiltak som kjem raskt i gang
• tiltaka kan vera: bedriftsutvikling, kompetanseheving, marknadsføring, investeringar
• verksemder som kan dokumentera særskilt negativ påverknad av covid 19-utbrotet og/eller sannsynleggjera framtid mogleg stor negativ påverknad av utbrotet vil bli prioriterte

Ein kan søkje på inntil 50% av kapitalbehovet. 

Alle tilskot skal etter reglane for KRD sine tilskotspostar, forvalta av fylkeskommunane, registrerast i regionalforvaltning.no. Gjeldande satsar i reglane for bagatellmessig støtte og i det alminnelege gruppeunntaket skal følgjast.

KMD legg også til grunn delar av «Forskrift for distrikts- og regionalpolitiske virkemidler» skal gjelde.

Du kan no søkje på desse midlane i Bremanger kommune sitt kommunale næringsfond i samband med covid-19 på regionalforvaltning.no. 

Søknadsfrist er 16.11.2020
Det vil bli ei ny utlysing av midlane dersom dei ikkje blir tildelt fullt ut i første omgang.

Ta gjerne kontakt med oss før du sender søknaden din.