Alver kommune næringsfond med søknadsfrist 1.5.2024

Alver kommune næringsfond med søknadsfrist 1.05.2024 har som føremål å styrkje næringslivet i Alver kommune. Støtte frå næringsfondet skal bidra til auka næringsutvikling, vekst og fleire arbeidsplassar i kommunen.

Les Næringsfondsvedtektene før du søkjer. 

Målsetting 

 Tilskot frå næringsfondet skal:

• Stimulere prosjekter som gir vekst i eksisterande verksemder og arbeidsplassutvikling i Alver kommune. 
• Stimulere til ei berekraftig næringsutvikling. 
• Stimulere til omstilling og nyskaping i næringslivet. 
• Stimulere tiltak som styrker næringslivet i arbeidet med ny teknologi, innovasjon og entreprenørskap. 
• Stimulere samarbeidstiltak innanfor etablert næringsliv. 
• Stimulere til kompetanseutvikling i næringslivet.

Kven kan søkje?

Næringsfondet kan nyttast til tiltak for verksemder og til næringstiltak i regi av kommunen eller andre typar næringsutviklingsorganisasjonar, og/eller der midlane i hovudsak får effekt i Alver kommune, til dømes:

• Føretak som er registrert i Brønnøysundregisteret
• Føretak med forretningsadresse i Alver kommune.
• Samarbeidstiltak med lokale føretak.
• FOU-aktørar i samarbeid med lokale føretak.
• Kommunale næringsutviklingsprosjekt.
• Næringsutvikling i landbruket som ikkje får stønad frå landbrukets vanlege stønadsorgan.
• Verksemder som treng å ta eit nytt steg etter oppstartsfasen.
• Etablerte verksemder som treng hjelp til å realisere eit nytt marknadspotensiale eller internasjonalt vekstpotensial.

 Tilskot

•  Stønad skal nyttast til utviklingsprosjekt. 
•  Stønad frå næringsfondet skal ikkje overstige 50 % av prosjektet sin samla finansieringsplan. 

Avgrensingar 

Stønad frå næringsfondet kan ikkje nyttast til:

• Garanti for lån for næringsverksemd, teikning av aksjar, sanering av gjeld, kausjon/garanti for - eller renter og avdrag på lån til prosjekt eller verksemd.
• Oppføring av bygg, og kjøp av eigedom og areal. 
• Ordinære drifts- og vedlikehaldskostnadar og ordinær drift av verksemd. All støtte som ikkje er knytt til konkrete utviklingsprosjekt vert sett på som driftsstøtte.
• Fondet gir ikkje støtte til festivalar, kulturtiltak og idrettsarrangement.

Søknad og anna informasjon er i utgangspunktet offentleg informasjon. Dokumentasjon vil bli lagt inn i søknadsportalen regionalforvaltning.no og kommunen sitt arkiv. Søknad vert handsama politisk ved Utval for næring, kultur og idrett. 

 Søkjarar som ønskjer at søknaden skal handsamast konfidensielt, må opplyse om dette i søknaden. 

Informasjon

 Kontakt Alver kommune - Næringsteamet v/Kate Bentzen