Tilskot til mentor- eller trainee-ordning for innvandrarar

Formål og målgruppe 
Hovudmålet med tilskotsordninga er å gjere det mogleg for fleire å bruke kompetansen sin på rett plass i arbeidslivet, gjennom tilsetjing eller ved å skape sitt eige arbeid. 
Ordninga skal også bidra til at verksemder i privat eller offentleg sektor aukar mangfaldet, og får tilført ny kompetanse og erfaring. 

Kva kan det søkjast støtte til?
Det kan søkast om tilskot til etablering og gjennomføring av mentor- og trainee-prosjekt, som legg til rette for at innvandrarar med fagutdanning, eller med høgare utdanning frå universitet/høgskular får brukt kompetansen sin. 

Ordninga har to fokusområde: 
1. Inkludering gjennom tilsetjing: Styrke samarbeid mellom innvandrarar, arbeidsgivarar og offentlege støttesystem  
2. Inkludering gjennom entreprenørskap: Utvikle og forbetre program og virkemiddel for at innvandrarar kan skape sitt ege arbeid. Det kan søkjast støtte til prosjekt der samarbeidet mellom innvandrarar og aktørar i systemet for entreprenørskap kan forbetrast.

Kven kan søkje om tilskot?
Kommunar eller organisasjonar, inkludert frivillige organisasjonar registrert i Frivilligheitsregisteret. Prosjekt med lokal eller regional forankring vert prioritert. 

Krav til søknaden
Mentor- og traineeordninger som får støtte må vere forankra hos leiinga i søkjar, og vera ein del av plan- og strategiarbeidet til søkjar, og søknaden må vera underteikna av leiaren eller generalsekretæren til søkjar.
Søkjar må bidra med ein eigendel på minimum 50% i form av stillingsressursar eller andre driftskostnader. Desse må reknast om til kronebeløp i søknaden. Timesats blir berekna ut frå 1.2 promille av brutto årslønn, maks 1 100 kroner per time, og arbeidstimar må dokumenterast med timelister.

Ordninga skal ikkje overlappa andre offentlege ordningar.  
Samarbeidspartnar og innvandrarar skal være involvert i søknadsprosess og i prosjektleiing/gjennomføring. 

Det kan gje prosjektstøtte på inntil 2 år (31.12.2025). Det er forventa at deltakarane deltek på nettverkstreff med erfaringsdeling. Sett av inntil 15 000 for erfaringsdeling, deltaking nettverkstreff i fylket. 
Søknaden skal opprettast på nettstaden www.regionalforvaltning.no , der ordninga er lyst ut. Alle postar i søknadsskjema skal fyllast ut.   

Søknadsfrist
Søknadsfristen er 15.september 2024. 
Søknadar  vert sakshandsama i kompetanse og næringsutvalet 24.oktober 2024. 
Informasjon om tildeling vert sendt ut seinast 31.oktober. 

Møre og Romsdal fylkeskommune har sett av 1 million kroner til ordninga i 2024. 

Vurderingskriterium 
Møre og Romsdal fylkeskommune vurderer søknadene og tildeler midlar til prosjekt ut frå følgjande kriterium: 
• Tydelege resultatmål for prosjektet 
• Gjennomføringsevne (milepæler med aktivitet, rolle og ansvar involverte partar)  
• Overføringsverdi til anna tilsvarande arbeid 
• Strategi for rekruttering av mentorar, traineear.
• Ikkje overlappande med andre ordningar  
• Opplegg for opplæring og oppfølging av traineer eller mentorar. 
• Opplegg som skal bidra til meir treffsikre, og heilskaplege løysingar og levedyktige løysingar etter prosjektperioden
• Opplegg for evaluering og måling