Erasmus+midlar til kompetanse-, nærings- og lokalsamfunnsutvikling - VET

Utlysing av Erasmus+midlar til tverrsektorielle samarbeidsprosjekt (staff-mobilitet)

Her kan de søke om midlar til å reise til europeiske samarbeidsorganisasjonar for å utveksle erfaringar, få inspirasjon og ny fagkompetanse. 

Vestland fylkeskommune lyser med dette ut EU-midlar til tverrsektorielt lokalt og europeisk samarbeid om å styrke opplæring og kompetanse i tråd med behova i arbeidslivet og utvikle gode og attraktive lokalsamfunn.
Føremålet er å utveksle erfaringar og kompetanse, sjå nye løysingar og moglegheiter og styrke nettverk med europeiske partnarorganisasjonar. Prosjekta krev at ein set opp ein lokal tverrfagleg samarbeidsgruppe med deltakarar frå kommune, vidaregåande skule/fagskule, arbeidsliv og ev. friviljug sektor. 

Legg ved Signaturskjema - VET (Fag- og yrkesopplæring) til søknaden om du søker middel som skal nyttast etter 31.05.2023.

Prosjekttype: Opphald/hospitering eller kurs hos europeisk samarbeidsorganisasjon for tverrsektorielle grupper (staff-mobilitet) - for tilsette 

Aktivitetar/mobilitetar: Korte besøk/hospitering (2-4 dagar) for tverrsektorielle lokale grupper på vitjing hos europeiske partnarorganisasjonar. 

Søkjarorganisasjon: Kommune eller regionråd (ev. annan org. etter avtale med fylkeskommunen) set saman ei lokal samarbeidsgruppe, søker på vegne av denne og koordinerer prosjektet (prosjektansvarleg).

Deltakarar: Tilsette i kommune/regionråd, vidaregåande skule-yrkesfag og/eller fagskule (obligatorisk), næringsliv, frivillege organisasjonar og andre utdanningsinstitusjonar.

Prosjekttema: Tema innafor kommunane/regionråda sine ansvarsområde som har tilknytning til eit eller fleire av yrkesfagprogramma t.d. reiseliv, lokalmat, næringsutvikling, helse og omsorg, akvakultur, grøn omstilling, energi og digitalisering.

Finansiering: Tildeling av midlar etter faste EU-satsar til reiser/hospitering til ulike europeiske land, etter antal deltakarar, lengde på opphald og reiselengde. Dekkjer ikkje løn.

Søknadsfrist: Det er løpande søknadsfrist, i første omgang fram til 01.02.2023. 

Meir informasjon: https://www.vestlandfylke.no/erasmus-tverrsektorielt.