Bedriftsintern opplæring (BIO)

Bedriftsintern opplæring (BIO-midlar)

Formål: Ordninga skal styrke kompetansen til dei tilsette slik at bedrifta kan ta i bruk ny teknologi, utvikle nye produkt eller tenester og gi tydelege bidrag til den grøne omstillinga i Møre og Romsdal

Støtte til bedriftsintern opplæring kan bli gitt til kompetansetiltak som stimulerer til  grøn omstilling i bedrifter i Møre og Romsdal.

Grøn omstilling vil ma. være å redusere klimautsleppa, bevare naturressursar og biodiversitet. Det kan inkludere ei rekkje tiltak, som energieffektivisering, bruk av fornybare energikjelder, reduksjon av avfall og utslepp, innføring og utvikling av grøn teknologi og infrastruktur, og fremme berekraftig produksjon og forbruk.

Det må ligge eit konkret omstillingsprosjekt til grunn for søknaden. Støtta skal nyttast til å styrke kompetansen blant dei tilsette. Slik skal bedrifta bli i stand til å iverksette og gjennomføre grøn omstilling. Typisk vil det være å:

• gjere vesentlege endringar i produksjon,
• introdusere nye produkt/tenester, eller
• etablere seg i nye marknadar
• innføre smart teknologi og digitalisering

Målgruppe: Kven kan søkje?

Bedrifter som har verksemd etablert i Møre og Romsdal er i målgruppa. Opplæringa og omstillinga må gjelde verksemd og tilsette i fylket.

Enkeltbedrifter kan søkje, eller fleire bedrifter i fellesskap der ei av bedriftene står som ansvarleg søkjar.

Bedrifter som er i ferd med å bli avvikla eller nyetablerte oppstartbedrifter kan ikkje søkje.

Tilbydarar av kursing/undervisning og medlemsorganisasjonar eller liknande, kan ikkje søke på vegne av bedrifter.

Vilkår: Kva kan det søkjast om støtte til?

Opplæringsprosjekt som maksimalt kan vare i 26 veker, inkludert:

• Kurskostnader, som løn til kurshaldar, lokale, servering m.m.

• Kursmateriell – ikkje varig utstyr

• Reiseutgifter knytt til sjølve opplæringa

• Lønnsutgifter til tilsette under opplæring (maksimalt 2/3 av søknadssum) 

Avgrensing: Kva kan det ikkje søkast om støtte til?

Krav til opplæringa

• Opplæringstida for kvar deltakar kan vare inntil 26 veker.
• Opplæringa må være gjennomført innan 18 månader etter at søknaden er innvilga.
• Opplæringa det blir søkt støtte til må ikkje starte før søknad og opplæringsplan er godkjend av fylkeskommunen.

• Søknad skal fyllast ut og sendast inn på www.regionalforvaltning.no
• Søknad skal innehalde ei konkret skildring av det omstillingsprosjektet som ligg til grunn for kompetansetiltaket, der det går klart fram kva grøne gevinstar dette vil gi.
• Det må ligge føre ein opplæringsplan som inneheld;
  • Konkrete aktiviteter som skal gjennomføres
  • Budsjett med kostnader og finansiering for opplæringsprosjektet

Økonomiske rammer og vilkår

Det er graderte krav til eigenandel, der minimum er:

• 30 prosent for små bedrifter (1-9 tilsette)
• 40 prosent for mellomstore bedrifter (10-49 tilsette)
• 50 prosent for store bedrifter (fleire enn 50 tilsette)

Maksimalt støttebeløp per prosjekt er 600 000 kroner, og maksimalt 40 000 kroner per deltakar i opplæringa.

Godkjend fast timesats for lønn under opplæring er 500 kroner per time.

Tilskotet blir betalt ut etter at opplæringa er gjennomført, og vi har mottatt sluttrapport gjennom www.regionalforvaltning.no . 

Delutbetaling, avgrensa til inntil 50% av tilskotet, kan vurderast ved særskilde behov.

Søkar må dokumentere utgiftene i eit prosjektrekneskap. Dersom tilskotet er over 200 000 kroner, og verksemda er revisjonspliktig skal prosjektrekneskapen attesterast av revisor. Verksemder utan revisjonsplikt må få attest frå autorisert rekneskapsførar.

Tilskotet vert tildelt som gruppeunntak i medhold av "Forskrift om unntak fra notifikasjonsplikt for offentlig støtte § 1 som henviser til EØS-avtalen vedlegg XV nr. 1j, Kommisjonsforordning (EU) nr. 651/2014, av 17. juni 2014, samt (EU) 2021/1237, av 23. juli 2021".

Støtta vert tildelt som opplæringsstøtte under artikkel nr. 31. 

Søknadsfristar i 2025

14. februar, 18. april, 29. august og 21. november

Økonomisk ramme

Det er sett av til saman 3 mill. kroner frå fylkeskommunen sin økonomiplan til BIO-ordninga i 2025.