Øygarden kommune har i runde 7 fått til fordeling kroner 1 241 000 som kompensasjon for tap og ekstrakostnadar hos lokale verksemder som har vore ramma av inngripande smitteverntiltak.

Kommunen er særskilt bedt om å vurdera kompensasjonsbehovet i verksemder som har falt heilt eller delvis utanfor dei generelle kompensasjonsordningane, som bl.a. nystarta bedrifter. Departementet har bedt kommunane om å tilgodesjå bransjane:

• servering,
• overnatting,
• sport og fritid,
• reisebyråer og -arrangører,
• kunst og underholdning
• kongress-, messe- og utstillingsvirksomhet

Tildelingane i denne ordninga gjeld for tap og ekstra kostandar påført lokale verksemder i følgje av Covid-19, i månadane januar, februar og mars 2022.

Verksemder som tidlegare ikkje har fått tildelt midlar vil bli prioriterte i denne runden.

Søknadsfrist er 19. april 2022

Søknadar vil bli handsama fortløpande til fordelinga er tom. Utbetaling vil skje etter 19. april.

Notifisert ordning under Covid-19-rammeverket eller under andre deler av regelverket

Verksemder som var i økonomiske vanskar per 31. desember 2019, ref. gruppeunntaksforordninga artikkel 2, paragraf 18, kan ikkje tildelast støtte. ESA har godkjent en forlenging av notifisert ordning til 30. juni 2022, samt heva beløpet til 2,3 millionar euro for kor mye eit føretak kan få i offentleg tilskot.

Mål for ordninga:

Ordninga skal, ved hjelp av direkte tilskot, sikre likviditet for verksemder som står overfor ein mangel eller ikkje har tilgang til likviditet grunna av covid-19-pandemien. Ordninga er retta mot lokale verksemder som er spesielt råka av lokale eller nasjonale smitteverntiltak eller økonomisk nedgang, som følge av covid-19- pandemien. Ordninga skal bidra til å oppretthalde arbeidsplassar og viktig kompetanse i lokalt næringsliv.

Tilskot vert gjeven til verksemder som kan dokumentere tap av inntekter eller auka kostnader som følge av Covid-19 i gjeven periode. Det er viktig at kvar einskild søkjar tenkjer nøye gjennom alle reelle tap og meirkostnadar verksemda har hatt i perioden. Ei verksemd kan ha tap sjølv om den går med overskot.

Med dokumentasjon meinast rekneskap og ei oppstilling av økonomiske forhold og /eller ei oppstilling av direkte tap og/eller økte kostnadar som følgje av Covid-19.  

Tilskotet går til verksemder som har eit årsverk eller meir, og skal sikre oppretthald av arbeidsplassar og viktig kompetanse. Tall på årsverk må førast opp i søknaden.

Tilskotet kan dekka:

• Tap av omsetning/inntekt som følge av covid-19- pandemien eller påfølgande økonomisk nedgong
• Økte kostnadar som følge av tiltak for å unngå spreiing av covid-19, og kostnader direkte knytt til covid-19 og ein svekka/fråverande marknad
• Tap av varer pga. covid-19- pandemien

Stønadsbeløp, -intensitet og berekningsreglar:

1. Tap kan dekkast med inntil 100 % opp til øvre stønadsgrense på kr. 200.000,-
2. Verksemder må har eit minstetap på kr. 80 000 for søknadsperioden (januar-mars 2022)
3. Verksemda må dokumentera å ha minimum 1 heiltidstilsett
   1. Tilskot vil kunne bli vurdert opp mot tal på årsverk i verksemda.
4. Alle søkjarar må fylle ut eigenerklæringsskjema for føretak i vanskar (i regionalforvaltning).
5. Føretaket MÅ vere registrert i Øygarden kommune.
6. Verksemder som kan dokumentera tap av inntekter eller økte kostnadar som følge av Covid-19 i månadane januar – mars 2022, eller budsjettert omsetningsbeløpet verksemda skulle hatt i perioden samanlikna med omsetning same periode i 2019, 2020 eller 2021 kan få tilskot.
7. Total stønad gjennom perioden kan ikkje overstiga 2 300 000 euro per føretak (tal berekna for alle stønadsordningar tildelt). Stønadsavgrensinga gjelder per føretak. Kursen som nyttast er kursen publisert av den europeiske sentralbanken den dagen tilskotsbrevet sendes.

For å sikre at stønaden ikkje fører til kompensasjon ut over lovlege rammer, må søkjar oppgje om verksemda tidlegare har mottatt offentleg stønad, stønadsbeløp, under kva for regelverk/kva ordning stønaden er mottatt og kva kostandar som er dekka. Opplysningane er basert på tillit. Dersom søker oppgjev uriktig eller feil informasjon, risikerer søkjar at stønad må tilbakebetalast.

Verksemder som ikkje vert tildelt stønad:

a. Verksemder innanfor kommunen sin eigen regi, fullfinansiert eller som får inntekter fastsett av offentleg sektor, for eksempel private barnehagar, der inntekter kjem frå kommune og foreldrebidrag, renovasjonsverksemder osv.

b. Finanssektoren.

c. Verksemder som var i vanskar per 31. desember 2019. I regionalforvaltning.no, må søkjar signera ein eigenerklæring. I erklæringa får søkjar ei forklaring på kva det inneber å vere i økonomiske vanskar.

Søknadar må som eit minimum innehalde:

1. Føretakets namn og organisasjonsnummer
2. Søknadsbeløp
3. Eigenerklæring på om verksemda er i økonomiske vanskar. Denne er innarbeida i regionalforvaltning.no og skal fyllast ut av søkjar.
4. Dokumentasjon av kostnader og tap. Det er ikkje krav til revisorattestert dokumentasjon (last opp som vedlegg).
5. Oversikt over tal på årsverk i verksemda (last opp som vedlegg)
6. Oversikt over annan offentleg støtte føretaket har mottatt.
7. Informasjon dersom verksemda er ein del av eit større konsern (last opp som vedlegg)
8. Søknaden kan ikkje godkjennast dersom dokumentasjon ikkje føreligg, eller tilfredsstiller krava i punkt 1-7 over.

Dersom søkjar oppgjev feilaktige opplysningar, kan Øygarden kommune krevja tilskotet heilt eller delvis tilbakebetalt. Hovudregelen er at ulovleg stønad må tilbakebetalast med renter og rentes rente.

Vi oppmodar søkjarar til å sende inn søknad så snarleg som mogleg.